林家棟噚日接受《家天下》訪問時，不停取笑家燕姐造型似印尼人。家棟正為電影《江湖城》（暫名）蓄鬚，扮演越南來港嘅殺手，佢話每日要化兩個鐘頭妝，為營造爛面效果，臉上仲要黏上臭膠，佢話：「啲膠真係好臭，化妝師就戴手套化妝，但我啲皮膚就真係直接接觸臭膠，𠵱家開始皮膚敏感。」不過佢話酬勞絕對彌補到辛苦咁話喎！