一間公司開到100年已經唔簡單，開到110年仲更加難得。香港商務印書館個靚仔公關Patrick噚日打電話畀小妹，話商務1897年成立，到今年有成110年歷史，係中國歷史最悠久嘅現代出版機構。吓，乜商務有咁老㗎嘞。
Patrick仲話，過去10年商務賣出嘅書籍，如果一齊平放，可以鋪滿四個西九龍文娛藝術區。開咗百幾年都唔執，有乜嘢秘笈？Patrick話，同你啲消費Blog粉絲玩有獎問答遊戲，答啱題目嘅10位朋友，每人可以獲得一本最新出版嘅《CEO領導智慧》，咁咪可以從中領略Run一間公司嘅成功之道囉。
Patrick話，問題係「今年是商務印書館成立多少周年？」，有興趣朋友今日起將答案連同姓名、聯絡電話及「索取蘋果消費blog讀者禮物」字樣，send到mailto:[email protected]，先到先得。查詢電話:29766589。
逢周一至周四刊出