鄧萃雯前晚出席新片首映禮時，表示今年因在紐約做騷，故未能出席無綫台慶頒獎禮。對於星輝大獎屬意由患病的肥姐沈殿霞奪得，雯女說：「每一個攞星輝大獎嘅都係有資格攞，唔好畀我就得，我唔係唔要，只係唔想咁快攞。」
陳自瑤（YoYo）、蔡淇俊、鄧萃雯、鄺文珣和吳亭欣等前晚於銅鑼灣出席《奇異恩典》（AmazingGrace）慈善首映禮。雯女透露近日正休息，下月會到紐約出席感恩節的表演，因此會缺席無綫台慶的頒獎禮，問她今年不參與爭獎的是非中，是否感到輕鬆不少？她說：「我上年都好輕鬆呀。」問她今年看好那些藝員獲獎，她說：「我只會支持我睇過啲劇，好似劉松仁同《師奶兵團》嘅商天娥，但我就唔會支持自己。」
「仲有好多前輩」
有指今年的星輝大獎屬意肥姐奪得，鄧萃雯聞言反問說：「乜星輝大獎唔係內定㗎咩？係角逐咩？」但據知是因為肥姐病才由她獲得，雯女說：「我覺得冇問題，咁係好事，每一個攞星輝獎都係有資格攞嘅，唔好畀我就得。我唔係唔要，只係唔想咁快攞，我心目中仲有好多前輩，佢哋都有好高榮譽。」
此外，過氣情侶蔡淇俊及陳自瑤由無綫經理人攜同到場，不過當要求二人影合照時，蔡淇俊的經理人即時阻攔並說：「要影要搵多幾個藝人企中間。」
YoYo遇舊愛眼紅
由於蔡淇俊扭扭擰擰，令YoYo感到尷尬，她事後說：「我冇乜嘢，因為開工日日都見到面，套劇（《同事三分親》）本來話完，𠵱家又話要加集數，所以都唔知幾時至拍完。」早前曾做眼矯視手術的她，見她雙眼仍有紅筋，她說：「因為休息唔夠，加上天氣亁燥，所以攰啲。」
採訪、攝影：魯萍
