楊千嬅前晚繼續在紅館舉行第四場個唱，想不到是夜驚喜無限，首先在開騷前周潤發夫婦派人送來一箱大閘蟹和果籃，到她上台唱了幾首歌後，吳彥祖突然衝上台送花，又為她帶來一個意外驚喜，然後到陳曉東上台高歌一曲。
一般歌星開個唱，至愛親朋友多數是送上花牌或果籃，但周潤發夫婦就別出心裁，知道楊千嬅喜歡吃大閘蟹，前晚竟然送了一箱陽澄湖大閘蟹和果籃到紅館，盒上還寫上「百尺竿頭、更進一步」！
發哥送一箱大閘蟹
收到這些禮物，千嬅既興奮又感動，她昨日表示：「諗唔到我噚晚喺度恨，想食大閘蟹，發哥、發嫂就送咗一箱嚟，不過噚晚仲未敢食住，因今晚仲要做騷，但我噚晚已經叫人將啲大閘蟹放咗喺麗嘉酒店雪住，等今晚慶功宴時蒸嚟食。」
楊千嬅今次的個唱不斷有新歡舊愛來支持，繼古天樂與陳奕迅後，另一位前緋聞男友吳彥祖（Daniel）前晚也到了紅館捧場，由於千嬅事前不知道他來了，所以當Daniel拿着一束花上台，然後以花遮面時不斷說：「Allaboutlove！」千嬅當時還未知道這男子是誰，直至Daniel將花送給她時，她才知道謎底，立時興奮若狂，踎地喪笑，而台下歌迷也發出歡呼聲。
與古仔越咀越肉緊
吳彥祖在台上向千嬅道歉，他說：「識咗你咁多年，今晚先係我第一次睇你做騷，真係唔好意思，對唔住！」千嬅聽後笑說：「唔緊要啦！好多人都以為我係電影明星。」送走Daniel不久，台下又起哄呼叫陳曉東上台，東東上台後感慨說：「真係多謝你，唔係我未必有機會上到呢個台，不過你就真係最鍾意玩我，專揀我披頭散髮時先叫我上台。」千嬅要求東東唱自己的舊歌《水瓶座》始放他下台。
全晚戲肉當然是她與古天樂的台上親嘴的一幕，前晚古仔與千嬅又肉緊得錫了五、六秒，可能經過連續四晚親熱，兩人變得越來越合拍。
撰文：葉雪
