中國人信風水，老細在辦公室擺風水陣很普遍，網民「宗井歸一」的上司層次更高，竟然在辦公室「養鬼仔」，「有時喺公司，會聽到小朋友笑聲，老闆仲成日買啲玩具返嚟！」小網對鬼神敬而遠之，公司有人「養鬼仔」寧願另謀高就算了。
宗井歸一透露在一間小型電子公司任職約一年，近日發現公司有異樣，「好多同事發現怪事，我哋肯定公司有嘢，今日聽聽吓收音機，睇住佢又着又熄，千真萬確。」他說睇錢份上猶豫應否立即辭工，「𠵱家走冇雙糧出喎。」
「一定做偏門生意」
網民「wyk879」認為，不論是「鬼仔」或「鬼佬」，搵到錢就係好鬼，「話唔定（鬼仔）幫公司賺到好多錢，如果佢哋唔騷擾你，都唔係太大問題啫。」
網友FS則指一般人不會沾手靈界事物，「如果你老細真係養鬼仔，咁佢一定做偏門生意或唔正當生意，正當生意人唔需要咁做，唔理你信唔信有冇鬼仔都好，我建議都係走為上着。」
「愛在深秋」自言有同類經歷，「我之前份工，老細都係搞過呢啲邪嘢，雖然我轉咗工，但都黑足兩年，舊老闆仲坐監，公司執笠。喺呢啲公司做多數冇前途，早走早着。」
http://www14.discuss.com.hk/viewthread.php?tid=5550078&extra=&page=1
《蘋果》網聞版請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]