鄭伊健新舊戀人蒙嘉慧（YoYo）和邵美琪昨日公開碰頭，二人沒有正面交流，在台上合照時分別站在黎姿左右，YoYo突然與黎姿姊妹情深，手拖手耳語，但亦難掩尷尬神色，相反見慣風浪的邵美琪則沒有理會蒙嘉慧，在活動完畢後即箭步離場。
無綫劇集《通天幹探》演員陳豪、蒙嘉慧、邵美琪、黎姿等昨日在旺角帝京酒店舉行宣傳活動，分組在台上玩遊戲，鄭伊健新歡YoYo和舊愛邵美琪碰個正着，YoYo全程顯得相當尷尬。
二人在台上沒有正面交流，即使大合照時也以黎姿做夾心人，分別站立在兩旁，YoYo為免場面尷尬，即主動拖着黎姿雞啄唔斷，事後YoYo說：「我同邵美琪喺戲入面都有對手戲㗎，但唔多，開工時都有傾閒偈，我邊有尷尬，不過坦白講，多咗你哋喺度，冇事都變有事啦。」而邵美琪在活動完畢後立即離開。
陳豪專一拒香吻
在台上玩遊戲時，陳豪與黎姿一組勝出，原本陳豪可獲得黎姿香吻一個作獎勵，但陳豪左閃右避，面紅耳赤，最終婉拒了黎姿的美色，令她大吃檸檬，黎姿即高呼：「我唔敢錫佢，驚俾人鬧。」問黎姿怕被誰鬧時，她即說：「講笑啫，我好少主動錫人㗎，只知佢係好男人，心中只有一個，專一忠心，唔會受外來引誘，我都唔強人所難，不過戲裏面我都同陳豪有咀戲，仲會係我主動追佢。」
至於問到陳豪是否怕緋聞女友廖碧兒呷醋，所以婉拒黎姿一吻，陳豪笑說：「唔好錫嘴啦，我有啲怕醜，就算拍接吻戲都避得就避。」
採訪：卓寶花 攝影：仇志德
