湯唯露腋毛令戲迷議論紛紛，更可能掀起露毛革命，露出毛髮隨時成為潮人標誌，網民基拉開風氣之先，希望美化雙腿，「腳毛可唔可以電直㗎？」
電髮、電眼睫毛好普遍，電腳毛相信一般人聞所未聞。網民Vian稱：「世事真係無奇不有，電直腳毛真係難度高咗少少。」ncdlmo則指腳毛太短難以電直，建議基拉留長一點，「電完返嚟，記得同我哋報告情況喎。」
髮型潮流年年不同，wawa0608認為今年唔興負離子直髮，「我認為你應該去染吓佢，再電攣，好睇過電直腳毛。」
TEMPO比較前衞，「不如先駁長佢，再電爆炸裝，到時着短褲，show畀人睇，真係型到爆。」
http://www10.discuss.com.hk/viewthread.php?tid=5251685&extra=&page=1