列基美上場世界盃外圍賽入兩粒自由球後，好似一碗冷飯擺入微波爐叮完咁，熱辣辣！不過，其所屬球會維拉利爾，唔知係咪嫌佢叮完有陣味，話佢再好嘢都唔會受重用，歡迎買家出價！我求大俠都戥列基美唔抵，希望佢趁仲有啲熱搵主好人家，生生性性變番碟惹味焗飯，到時人人睇見都流口水，維拉利爾實後悔死啫！