阿根廷國腳泰維斯嘅細佬米基爾，剛完成喺曼聯嘅兩周試腳，據講領隊老費有意簽佢加盟。17歲嘅米基爾泰維斯，外號「小流氓」，經老費助手基羅斯熱情推薦由小保加嚟試腳，惟此子司職攻擊中場，同位置已經有史高斯、路爾斯安達臣等主力，睇嚟就算係加盟，球迷短期內都唔會見到佢拍住大佬踢波㗎嘞！