繼早前傅穎（Theresa）生日，鄧麗欣（Stephy）缺席後，前晚輪到Stephy開生日會，Cookies隊友吳雨霏（Kary）和楊愛瑾（Miki）都有到，惟獨Theresa缺席，二人不和傳聞可謂空穴來風，雖然姊妹反目，但Stephy有疼錫她的方力申及葉念琛兩位緋聞男友打孖上賀壽，令她這個生日會總算不太冷。
鄧麗欣昨日24歲牛一，前晚她與鍾欣桐合作拍新戲後，在中環蘭桂坊一間酒吧舉行生日會狂歡，前晚11時左右，Stephy與Kary及舊餅碎Angela先行到場，後來張柏文拿着蛋糕、黃柏高及Miki等也分別到達，Stephy緋聞男友方力申隨後也趕到，他與友人帶着雪糕蛋糕出現，十分有心。
小方未送禮物
方力申大方地說：「我太忙，未諗到送乜禮物。」不如送自己給Stephy？他謂：「唔會，𠵱家啲人都唔會帶禮物去party，我遲啲送番。」方力申步入酒吧前，有幾名外籍少女包圍他拍合照，他也有求必應。
凌晨12時吹過蠟燭後，Stephy另一緋聞男友葉念琛在好友鄭中基陪伴下到達，其間被問到送甚麼禮物給壽星女，葉念琛扮聾耳陳充耳不聞，反而鄭中基幫忙擋駕，豎起拇指表示送了好東西給Stephy，不過他陪完老友到場，不到一小時便先行離去。
Stephy前晚拿着Kary送的禮物到場，一名外籍男士跟着她合照，Stephy接受訪問時表示生日願望是賺多些錢，她說：「今日事業好重要。」至於拍拖？她說：「我比較希望年底演唱會成功，唱片賣得好。」Stephy謂已叫齊所有姊妹到來，她說：「我叫佢哋唔使做嘢嘅都嚟玩，Theresa都有叫，但冇問佢嚟唔嚟。」
Angela醉撞牆
眾人玩了三小時後便陸續離去，Stephy戴着黑超在女助手陪同下離開，問她有沒有請情敵鍾欣桐？她說：「我走時佢都仲拍緊。」問到兩位緋聞男友有否獻吻？Stephy說：「個個都有。」在旁助手補充道：「係啲賓客有，方力申同葉念琛都冇。」狂歡過後，方力申比Stephy早一步走，葉念琛則在壽星女離場後才離開，Angela喝至醉醺醺，走路時左搖右擺又撞牆。
採訪：王連連
攝影：陳順禎
