肥姐沈殿霞上周昏迷入院，現仍在瑪麗醫院留醫，她的親友每日都有來探望她，其前夫鄭少秋也相當有心，昨日又來到醫院。不過有報道指官晶華不想秋官探肥姐，昨日秋官否認說：「冇咁嘅事，係我老婆叫我嚟探肥姐㗎！」
肥姐上周四入住瑪麗醫院後，經過院方悉心治療，病情已見好轉，昨早10時許，欣宜與大姨媽來到醫院，當被大批記者蜂擁圍着時，欣宜似乎沒心情回答記者提問，但在場有記者再三問她肥姐何時出院，她終開腔說：「唔知道！」
昨日中午12時許，陳淑芬與兒子陳家豪拿着兩袋快餐店食物探肥姐，家豪表示：「啲嘢食係買畀大家食嘅！」
醫生：佢乜都食得
接着欣宜的外籍男友也來到醫院，不過他沒有接受訪問就匆匆進入病房，到下午2時許，張徹太太又來到，然後肥姐的主診醫生盧寵茂也來看過肥姐，記者問盧醫生肥姐何時出院，他表示：「未知。」問到肥姐是否要戒口？他說：「乜都食得，但唔健康嘅食物，個個都唔食得啦！等佢精神好番啲先可以畀佢出院。」
下午5時許，陳淑芬母子與張徹太太先行離開，他們一走，鄭少秋又獨自來探望肥姐，有記者問他官晶華是否介意他來探肥姐？他說：「冇咁嘅事，係佢叫我嚟㗎，佢冇嚟係因為唔得閒啫！」有報道指肥姐得以清醒，是因為得到秋官在其病榻前耳語鼓勵，秋官表示：「根本冇咁嘅事，咪任得啲周刊亂作落去囉！」秋官又指坐車來的時候，曾經聽過欣宜的新歌，他覺得欣宜唱得很好。
問秋官對欣宜男友有甚麼看法，他說：「佢好乖，好錫肥姐，人品唔錯。」
秋官於晚上7時離開醫院，問他肥姐情況如何？他說：「今日佢精神好好，陳太母子攞咗上海菜飯畀佢食，欣宜同男友喺度陪緊肥姐食飯，有時間我會再嚟睇佢。」
此外，昨日有一位年約80歲的阿伯，作了一首打油詩送給肥姐，祈求她早日出院，阿伯表示：「我一直好鍾意睇肥姐啲戲，知佢病咗，我都好擔心，所以特別作咗一首打油詩鼓勵佢。」
採訪、攝影：何永寧、王崇穎、娛樂突發組
