鬼佬企業興講形象、團隊精神同社會責任，唐人企業都唔執輸，數碼通（315）最近將IntelligentSport引入香港，冠名贊助SmarTone-VodafoneHKChallenge。比賽今個月尾喺大嶼山舉行，贏咗嗰3隊，12月會代表香港遠征法國尼斯WorldTeamChallenge。
呢個IntelligentSportWorldSeries今年踏入第十年，係一項專為商界而設嘅團隊挑戰賽，全球好多頂尖企業都有參加，比賽項目既要鬥智，又要鬥體能。除咗數記，仲有27家大企業捧場，包括里昂、高盛、渣打、廸士尼。
作為主人家，數記上個月尾已經搞咗個minichallenge，選咗3隊精英代表出賽，總裁黎大鈞話，整個選拔過程畀佢最大啓發，係做人同做生意一樣，要進取、有決心，計劃要定得好detail，少一樣都唔掂，最緊要知自己做緊乜同埋團結。
上山落水鬥智鬥力
黎總好有信心話，呢個比賽將會成為香港每年一度盛事，今年第一屆，除咗有廸士尼贊助比賽場地，數記又搵到香港外展訓練學校同CNBC做比賽夥伴同廣播夥伴。華華睇過上山落水鬥智鬥力啲片，都咪話唔難。
嗱，鬥智對於香港商界尤其電訊業，應該輕易攞分，不過上山落水喇喎……香港企業都係參加多啲呢類活動，提升吓自己層次啦！