除咗吳佳慶傾偈「騷擾」到拍賣官之外，噚日喺拍賣第二幅長沙地皮時，仲發生咗另外一段小插曲。
話說叫價到3.98億銀時，原本拍賣官應該叫下一口價4億，點知拍賣官女助手陳佩儀竟然唔多為意咁，將下一口叫價噏錯咗四億四，大拿拿嗌多咗4000萬銀，唔通真係趁亂搶咩！
你精我都唔笨，即時引起台下競投者嘩然，陳佩儀先至發覺唔對路，原來自己噏錯價，嗱嗱聲改番。
跳價嗌趁亂搶
喂，啱啱先成50幾億賣咗幅香港仔地，你唔係幾億銀塊地先嚟玩緊張吓嘩。
定係話，你想唔覺唔覺咁提價先。嗱，如果係後者，呢道板斧一個字講晒──絕呀！