花旗公佈嘅經濟數據較市場預期好，生產物價核心部份通脹又較預期溫和，股市藉減息憧憬炒上，上個禮拜五美股掉頭回升，對今日港股反彈好有利。
政府今日拍賣官地，喺特首新一份施政報告出台後，投資者更相信樓市可持續向好，加埋負利率嘅預期，今日拍地嘅成績應該唔會失禮，地產股隨時會炒到癲。呢幾日啲油價升得咁勁，油股尚未充份反映，今日好大機會大升，呢兩類股票要特別睇實。
中石油C輪9089：中石油（857）上周五收16.62元，「股神」畢菲特越減持，股價升得越勁，當大家知道有個大盤就嚟沽晒，你會點做？睇嚟中石油試20元冇乜問題，破位起碼升多3元，可以買啲C輪9089，上周五收50仙，槓桿3.3倍（有效2.9倍），對冲值0.88。
正股升上20元同23元，9089會喺80仙同1.1元樓上，正股跌穿15.3元止蝕。