「做乜要啲細路陪死？」發生母親掟兩子女落樓再跳樓自殺的天水圍天耀邨耀豐樓，昨天街坊對慘劇議論紛紛，有人對該家庭寄予同情，但更多的是指摘事件中的母親心太狠。入夜後，有人帶祭品到伏屍現場拜祭，亦有宗教團體到場團圈為死者誦經，但更多街坊經過時急急腳繞道而行，顯得十分不安。
「兩個細路好無辜」
「聽到第一聲巨響時，我同先生都嚇醒，當時仲以為撞車，我即刻起身從窗口望落去，即時見到一個黑影從窗口飛過，我嚇到大叫有人跳樓呀，跟住又有一個黑影飛落去。」目睹慘劇經過的周太，居住耀豐樓7樓一單位。她說：「當時我望到地上有兩個屍體差不多叠埋一齊，另一個就隔幾米。」
「諗起都驚呀，令人周身唔舒服；我見到一個死者係着紅衫紅褲。」周太講起目擊經過時，內心感到十分不安；昨晚她特意買一些水果及祭品到場拜祭，希望死者早日安息。
「我聽到三聲巨響時，仲以為係有人燒炮仗，後來先知係有人跳樓。」居住耀豐樓另一名女住客，她一臉驚恐地說：「好慘呀，兩個細路好無辜、好可憐，大人有乜事要細路去陪死呀？」
「蜘蛛俠」鮮花致祭
在案發現場拜祭的另一名女街坊表示，她亦是住耀豐樓低層，今早落樓出街時，剛巧見到三名死者伏屍的場面，為求心安所以到場拜祭。而過往曾扮「蜘蛛俠」示威的熱心外籍人士MattPearce，得悉慘劇發生後，也帶備鮮花到場向死者致祭。
本報記者
居民評天水圍
寃氣甚重
天耀邨居民戴小姐：「天水圍大部份居民收入低，南亞裔人士又多，又冇醫院，搞到呢區寃氣十分重。」
資源不足
天慈邨居民陳先生：「我會藉呢件事教育個仔，死係唔可以解決問題；天水圍主要問題係政府投入資源嚴重不足。」
