陳太談及早前參與撐普選遊行時中途離隊恤髮事件時承認，雖然她事先已通知遊行主辦單位，她當日下午有約不能參加遊行，況且，遊行早一日她已頻頻落區派單張。
但她從今次事件學習到有需要令政治觸覺更加敏銳，「我事後反省，今次係經一事、長一智，或者喺政治觸覺上，係要敏銳啲」。
無悔參選決定
陳太表示，遊行當日約了兩名朋友，加上連日落區時滿身大汗，令她覺得頭髮不太亁淨，所以遊行途中離隊恤髮，她說：「今次都算係學習嘅一種，我下次會小心啲。」
雖然事後遭到左派藉此事狂轟，但陳太坦言，事件未有令她後悔今次參選的決定，「我覺得如果連呢啲小波折都經唔起，就唔會決定參選啦」。
女士都要恤髮
另一名補選參選人葉劉淑儀昨日接受亞視專訪時，先說不願評論陳太的恤髮事件，後來又稱很同情陳太，她說：「我覺得好同情佢，其實每個女士都要恤髮，我做呢個節目前都有去恤髮！」葉太又稱，她有形象顧問給她意見，例如不要穿太紅太綠，而要改穿彩、柔和顏色的衣服。
本報記者