股市大旺，樓市跟住升，不少業主趁機放貨，網友天堂貓的朋友遇人不淑，將門匙交予相熟地產經紀甲，方便他帶客睇樓，業主一般預計經紀會將鎖匙複製，萬料不到經紀甲將鎖匙借給另一地產公司的經紀乙，經紀乙為搶獨家，竟私自更換單位門鎖，業主也不得其門而入。
網友Maggie笑言經紀乙甚大手筆，相信該單位必是豪宅筍盤，「換鎖你估唔使錢？好貴㗎，成幾百蚊，個單位係咪好筍㗎？」
Caroooool質疑：「咁做對自己有咩好處？等啲行家帶唔到人睇樓，然後佢做獨家呀？」irresistible表示有類似經歷，「我之前放低條鎖匙畀地產經紀，間屋租出後，收回七條鎖匙！」
各位業主，等我彈珠人畀啲貼士大家，如對物業代理不滿，可致電地產代理監管局24小時投訴熱線21178600。
http://www.beautyexchange.com.hk/revamp/forums/read.php?4 ,3299057