16/10/2007.....
天晴
恒指3萬在望，馬會喺國際賽日亦打出漂亮一仗，為超級賭波名牌巴西國家隊，初盤開出各大莊家中極筍嘅1.85倍單W，結果原來係鬼盤，波友喺禮拜日無乜好賭下追捧至1.68倍齊中伏；好彩開波時間係香港凌晨5點幾，否則走地客必輸得更慘烈。我一向好尊重呢班據聞好高人工嘅操盤高手（踢雨戰都估到？），下重心一注前更具參考價值，佢哋刻意㩒低嘅盤，我下注嘅信心自高一線。
有比自己更叻嘅人指路，大家都應該識走位。禮拜三巴西返主場鬥厄瓜多爾，必定更聚飛，好一個馬會大莊，開出冇肉食嘅[-1]1.48倍「主勝」，大家要多用一倍注碼，博收回兩次捧巴西嘅賭本；但巴西近6次對賽，未試過贏對手多過1球，呢個1.48倍「主勝」實屬雞肋！
除非係4年一度嘅足球盛事，否則呢類漫漫長路嘅南美外圍賽，列強戰意可慮；各地聯賽就快又重開，好賭嘅日職、英超同荷甲又返嚟啦，筍盤多的是。深夜下注，迷迷糊糊，當心有鬼！
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！