【本報訊】發生三屍倫常慘案的天水圍天耀邨昨整天愁雲慘霧，《天水圍十二師奶》作者陳惜姿說，區內有婦女因與女事主有類似背景，慘劇發生後情緒大受困擾，她相信區內類似個案極多，只是不為外界所知：「嗰度好多隱蔽個案，覺得家醜不出外傳，就算話外展社工兜到佢哋，都唔會講出嚟，我哋都要同佢傾好耐先會講。」
解說會揭12個案須跟進
天水圍的問題不是單靠外力能解決，陳惜姿說，各方不但要投入資源，還要以心對待每位有需要啲人：「啲婦女離鄉別井嚟到香港，朋友、同學、工友乜都冇，就算平時好似開開心心嘅，閂埋門先至發現係好大鑊，佢哋需要啲自助組織，可以由託管服務入手呀，慢慢搵佢哋嘅問題出嚟。」
為向天耀邨居民提供心理輔導，社署元朗助理福利專員林定楓昨晚連同一名臨床心理學家和18名社工，到天耀邨社區會堂舉行解說會，向居民講述事件及輔導，會議為時一個多小時，共有125名居民出席，當中有12個個案需要跟進。
目擊經過婦人仍感震驚
其中一名出席者陳太住在案發的耀豐樓6樓，她說：「我係返夜班嘅，嗰晚（前日凌晨）4點鐘至上床，突然俾一聲巨響嚇親，起初以為係樓下嘅籃球架冧咗，望出窗門見有人跳樓，仲未驚完，3分鐘後又有個細路跌落樓，又1分鐘個女人又跳落嚟，嚇到我即時大叫大喊，攬住個女，到𠵱家個心仲震緊……」
不少居民亦表示對事件很難過和驚慌，有人在地下擺放鐵桶燒衣紙拜祭，有人說會繞道遠離現場，總之各人在談論事件時都夾雜着悲嘆和驚恐，整幢大廈都籠罩着一片愁雲慘霧。