15/10/2007.....
天晴
最新動態
國際賽難賭，除咗數據欠延續性、臨場陣容冇乜參考性外，我最討厭馬會開出大量[-2]、[-3]嘅「讓球主客和」，搞到波友花多眼亂。列強喺3分至上、多入無謂情況下，波友通常多串幾關者都會損手；自己左閃右避，深夜亦中伏喺意軍[-2]腳下，好彩策略企得硬，當天下午已喺日聯盃大捷，先能保住大部份盈利。
我唔識日文，不過「澳彩」網頁喺多方面始終比馬會做得好，又唔怕畏首畏尾，驚人投訴；早在上周六中午12時，已通報日聯盃兩場正選陣容。結合賽前講過前鋒可大炒水手，夾埋鹿角W又中到應，可惜前鋒臨尾多入1球，2串3波膽博收8千元失手，但已相當滿意全日回報。
早段贏到錢，然後鎖定利潤，全日心情不知幾愉快；做人何嘗不是，後生努力啲，咪將來靠政府醒老人家每年250元醫療券，嘥氣！與其小恩小惠，請救救天水圍吧！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報