【澳門直擊】甄妮一連三場於澳門文化中心舉行的「真心愛你──甄妮演唱會」前晚開始舉行，入座率約九成，著名男高音莫華倫跟朋友到場欣賞。
現年54歲的甄妮穿上由女兒Melody設計的粉藍色低胸大露背裝出場，以《奮鬥》一曲揭開序幕，盡顯其驕人身段及唱功，她整晚唱出多首經典名曲。
「係屋企接生」
在出生地演唱，甄妮面對觀眾特別坦白，開場前還播出一些舊生活片段，除了她跟林青霞、許冠傑、羅文和劉家昌合作的片段外，還有她跟愛女由細到大的照片，及她與丈夫傅聲結婚行禮的片段。
甄妮在台上表示：「我喺呢幾個鐘同大家時光倒流分享吓，1953年我喺澳門出世，係屋企接生嘅，所以冇澳門出世紙，大個之後喺香港讀書，結婚、生女你哋都知，我嘅人生比一般人起落大，但冇白行，再大嘅起伏我都可以撐住。」
「令我嚇一跳」
溫馨一輪後，甄妮又搞笑一番，她鼓勵觀眾熱烈拍掌搞氣氛，她說：「你哋拍手唔使望隔籬，想拍就拍，唔好以為中樂係好嚴肅，啲椅同場地最初都令我嚇一跳，啲椅好似大戶人家嗰啲，真係唔講得笑，未試過緊張嘅我，最初入場見到都緊張。」
採訪、攝影：王連連
