近年好多位過江佳麗選完美之後，都留喺公仔箱發展，而且都已經陸陸續續打響知名度，好似「啤兒」、「法拉利」同「男仔頭」咁，惟獨係「牛胃」停滯不前，點解？咪因為佢學嚟學去都講唔好啲廣東話囉！公仔箱其實一直畀好多機會佢，可惜佢講嘢講到一嚿嚿，激到班高層死死吓。
由於公仔箱同牛胃簽咗幾年合約，唔搵佢做嘢咪即係白白出糧畀佢？於是就係猛畀嘢佢做，等佢將勤補拙。雖然班監製一聽到牛胃個名就怕怕，但上頭指定要搵佢開多啲劇，唔用佢又唔得，於是惟有安排佢做埋啲鬼妹仔講嘢唔正嘅角色囉！最抵死係最近嗰部《乞人憎》入面，專登幫牛胃度身設計咗個自閉症角色，即係唔使點講對白，咁咪唔使幫佢執對白執餐死囉！
Textby關仁