楊千嬅前晚在紅館舉行第二場個唱，新歡舊愛共冶一爐！現任緋聞男友古天樂繼續與她在台上激吻，今次兩人表現更激，古仔使勁地捧着千嬅的頭，咀得女方單腳趷起，令台下觀眾嘩然。其後陳年緋聞男友陳奕迅上台搞笑，氣氛即時變得輕鬆。
楊千嬅與古天樂這對緋聞男女，前晚繼續為劇情需要在演唱會上攬攬抱抱，觀眾大喊：「咀佢！咀佢！」當兩人深情互望時，古仔肉緊地捧着千嬅的頭，然後狠狠地咀下去，觀眾即時尖叫喝采。這深情一吻約維持了四秒，雖然不及頭場咀得耐，但明顯更為激情，千嬅更咀至單腳趷起，事後他們都忍不住大笑起來。
Eason跪地謝千嬅
前晚除了古仔外，千嬅的前緋聞男友陳奕迅（Eason）也與妻子徐濠縈捧場，當觀眾發現他是座上客後，立刻起哄大叫：「Eason！Eason！」台上的千嬅聞言即說：「佢落唔到嚟㗎！」原來今次演唱會的舞台與觀眾席有一段距離，但fans反應如此熱烈，Eason最終仍冒險跨過兩米高的鐵欄，然後走上台說：「好多謝千嬅畀我感受四面台氣氛，遲啲我個演唱會只係開三面台。」
Eason又笑說：「原本想咀咀千嬅，但又俾古仔咀咗啦！加上我老婆又喺度，又真係唔係咁方便，不如我跳番part舞啦！」引得台下笑聲不絕。跳完舞後，Eason忽然跪在千嬅面前說：「你今晚真係唱得好好，啲舞又跳得好好，我為你感到高興。」千嬅見狀即反過來跪他，但Eason扶起她說：「唔好跪，小心走光呀！」
Paco捧場眼濕濕
前晚千嬅的前經理人黃柏高（Paco）也率領方力申及傅穎等到紅館捧場，令她一時感觸哭起來，觀眾席上的Paco也眼濕濕，他說：「見到千嬅唱歌進步咗咁多，個演唱會咁成功，我好安慰。」
採訪、攝影：陳順禎
古仔真愛獻Fans
楊千嬅前晚舉行第二場演唱會，繼續請古天樂擔任嘉賓，他也繼續寫blog抒發心情。
古仔於昨日凌晨更新網誌（圖），他以「愛是甚麼？」為題，暢談他對「真正的愛」的看法，文中說：「我更認為真正的愛，不會也不能夠立刻見效……只能默默藏在心裏。」
記者昨日聯絡古仔，了解他連日寫blog吐心聲一事是否與千嬅有關，他說：「嗰啲（文章）其實係我同fans之間嘅相處之道，而唔係大家認為嘅『另有所指』，根本同愛情生活完全無關。對於我嘅愛情生活，我唔會喺blog上公開，因為呢啲係好私人嘅事。」撰文：林妃
古天樂blog
http://www.kootinlok.com/blog/content.php
