樂基兒昨日以頒獎嘉賓身份，出席沙田馬場舉行的婦女銀袋賽，有傳她最近穿泳衣拍攝的纖體廣告是最後一擊，她否認傳聞，但坦言怕影響男友黎明，故現時她的底線是泳衣，不會像從前可以topless上陣，而接拍性感工作前，會先問准男友。
沙田馬場昨日舉行婦女銀袋賽，吸引不少城中名媛入場，鄺美雲、陳妙瑛和陳細潔等更戴上禮帽作淑女打扮，大會又加插名模AnaR.和「翻版關之琳」Jocelyn示範的adler珠寶騷，謝天華及陳敏之則在公眾席表演拉丁舞，節目豐富，但重頭戲當然是第八場的婦女銀袋賽，最後由賭王何鴻燊及四姨太梁安琪的愛駒「爆炸」奪得，名模樂基兒則以嘉賓身份出席頒獎典禮。
性感先請示
有傳樂基兒以泳衣示人的纖體廣告是最後一擊，她對此說：「唔知啲人睇有幾sexy，我自己做騷都有着泳衣，廣告更加會，冇乜所謂。」問她會否收起性感，她說：「冇，自己唔敢講，到時啲job有offer，都會考慮。」
問到底線時，樂基兒說：「𠵱家泳衣係我嘅底線，未識佢（指男友黎明）之前，都有着泳衣、topless，不過𠵱家唔同，自己唔介意，不過影咗出嚟，啲人會寫其他嘢，都會影響到Leon，不過自己唔擔心。」問她接拍性感工作時有否問准男友，她說：「唔批准都唔會做。」
有錢買唔到
此外，謝天華和陳敏之在公眾席表演拉丁舞，吸引不少觀眾駐足欣賞，更有不少女途人讚謝天華有型。他透露參與湖南衛星台的《舞動奇迹》後，知名度提高不少，他說：「唔知道反應咁好，香港有咁多人鍾意呢種舞，雖然唔係入行以來收入最多嘅一年，不過係最大突破嘅一年。」問他是否收入多了，他不在意說：「好多嘢都唔係用錢衡量，好多嘢錢都買唔到幾億人睇住你表演。」
採訪：MaggieLaw
攝影：EdwardChou
