曾經係「小朋友」組合成員嘅男歌手「斷背賓」，佢嘅性取向一向令人好疑惑，關仁就經常撞見佢同一啲唔同類型嘅男人出雙入對。
成身濕唔換衫
就喺前幾日，斷背賓又同一個同性中坑密友去咗做gym，由於佢係公眾人物，個樣又靚仔，一眼就俾人認出，自然難免俾好奇嘅人望多幾眼。不過斷背賓顯得好避忌同驚青，至於同行嘅中坑就對在場嘅人眼睥睥，眼光好唔友善。
斷背賓可能覺得周身唔自然，所以淨係對住部跑步機跑咗半粒鐘，雖然一身臭汗，但佢唔理咁多，唔冲凉又唔換衫，成身濕咁就同中坑閃咗。
關仁覺得斷背賓咁厭惡人哋嘅眼光，大可以留喺屋企做gym，出到成身汗又唔冲凉，好唔衞生啫！諗起平時歌迷見到佢又搭又攬咁影合照，有啲仲熱情到攬實唔放手㖭，估唔到佢份人咁「呢啡」，都幾惡心喎。
Textby關仁
