韓國仁川國際機場近日搞緊個推廣活動，而前晚就特別安排音樂節目「MusicTank」喺機場內錄影，偶像組合SuperJunior、少女時代，以及歌手HyeSung同李秀英等都有出席，唔知佢哋嘅歌聲有冇令旅客唔記得登機呢？講到9人女子組合少女時代，佢哋首出道歌曲《重逢的世界》啱啱成為流行榜冠軍，唔單止開心到淚灑舞台，日前仲一齊去到烤肉店慶祝㖭！