仁濟醫院一年一度的籌款活動昨日展開序幕，無綫藝員和一班新晉歌手都有到場支持，其中有份出席的陸詩韻被追問有關與富商曾文能的緋聞時，顯得面有難色。
對於被指在富商曾文能家中過夜，陸詩韻說：「因為我未睇過篇報道，所以我呢幾日都冇聽電話，公司都有了解件事，不過冇阻止我識朋友。我都知身為公眾人物要有分寸，同朋友食飯都係好平常嘅事。」
官恩娜眼生瘡
陸詩韻再次解釋到曾文能現居的渣甸山花園只是探望auntie，她說：「佢搬咗入去幾個月，報道咁肉酸，自己都有少少唔開心，屋企人都係，不過就冇鬧我，因為佢哋知我唔會咁做。」
另外，有份表演的官恩娜因眼生瘡不適，她說：「我前日去內地揼骨，唔覺意見到好多女人唔着衫周圍行，唔知係咪咁所以生瘡呢？」
採訪、攝影：藍文浩