「保齡，保齡，男女，喜愛玩球。」提到保齡球，Net神不期然哼起這首經常在粵語長片中出現的保齡歌。不過，網民「abcsamabc」提到保齡球，卻聯想到一宗令人訝異的罕見保齡球「一飛冲天」意外。
「呢位仁兄唔知幾時開始打一隻九磅波，個波似乎唔啱佢手指位，已經連續幾球飛甩波㗎喇，飛到心口咁高，點知突然一聲巨響，睇住佢成個波飛咗上去假天花，擊中咗幾條支撐假天花嘅角鐵，四、五塊假天花同鐵枝跌晒落嚟，在場人士都呆咗！」
顧客賠錢離場
abcsamabc直擊整過意外過程，他慶幸自己未被保齡球或假天花擊中，而肇事者則死撐無辜。「佢仲同朋友講，𠵱家係我錯咩？𠵱家係佢哋個波啜住我隻手咋喎！仲要我賠錢？」abcsamabc表示，肇事者最後還是賠錢離場。他勸告同好，「提提各位新手老手，盡量搵啲適合自己手位嘅波嚟打。」
意外發生於屯門保齡球場，職員向Net神表示，意外主因是客人揀錯波。「佢哋唔識揀啱自己手指大細嘅波，如果揀咗啲波個手指位太細，手指就容易被吸住，想出力轆個波出去但甩唔到手，變成向上拋。」至於上述意外賠償金額則不便透露，「最後佢都有賠錢，冇發生不愉快事件。」他又指同類保齡球一飛冲天事件，每年平均發生一次，已經見慣不怪。
http://www.uwants.com/viewthread.php?tid=5041617