經常強調國際賽難賭，數據參考價值低，部份大熱門賠率乏善足陳，個人投注意欲老實說不高；不過連續兩周主打英冠也失手，或者轉場次可走出困局也未定。歐國外重心選穩字派意大利炒格魯吉亞；另一重心捧日聯盃川崎前鋒入球「大」。
格魯吉亞名將傷缺
意大利雖然成日畀波友感覺熱而欠穩，友賽更唔認真，不過今場波真係唔講得笑，因為目前佢哋同法國一樣，俾蘇格蘭壓住；今次唔再召用老鬼廸比亞路、恩沙基，前線用復出嘅東尼夥拍對烏克蘭時梅開二度嘅廸拿達利，或者用喺祖記唔止一次食尾糊，幫過捧場客唔少嘅福將伊亞昆達，活力、拼勁十足。再講，意軍今屆4場主場外圍賽只失1球，而下周三國際賽只係友賽南非，今次仲唔係有殺無賠？
篤定出局嘅格魯吉亞戰意散漫，而史浩克04嘅高拜亞韋利，同埋陣中最熟意大利波嘅AC後衞卡拿廸斯都養傷，後防擺明係任由宰割嗰隻；講到前線又冇良將，恐怕破蛋都難。意軍轉陣式，[-2]可照博「主勝」，有兩倍幾唔算冇肉食，波膽吼有7倍嘅4:0。
前鋒有力「大」勝水手
為減低風險，兩條單注出擊，第2注博日聯盃川崎前鋒開「大」，該隊經歷一段低潮、兼入球常開「細」後，上仗捉正佢哋喺日聯盃準決賽首回合爆冷2:1贏水手。
相隔數日，今次由前鋒主場，該隊反彈主因可能係外援孖寶馬治林同祖尼奴再次攜手出擊，對手今場焗攻，1.65倍入球「大」穩如鐵塔，博大霧，跟我貼士買50蚊2串3波膽啦！
近5場往績：輸輸贏贏贏
蘋果波神
股市大旺，英超盛世，大家齊來贏多啲！