打從《仁心仁術》（ER）開始，懶係靚佬嘅佐治古尼喺我心目中就冇乜好感，踩入電影圈嘅初期佢大賣柔情形象，唔知有乜戲可言？不過，佐治古尼近年唔同咗，好似之前《逃獄三王》、《各位觀眾晚安》都好有心，希望喺近年美國主流市場殺出血路，其中部份電影亦令佢損手；今次佢唔收片酬接拍《敵對同謀》，據知仲有份「科水」。
佐治古尼令我覺得做事要講心，不過有時心腦要並用，好似愛爾蘭阿頭史當頓，睇樣就知資質有限，今次唔買佢對家德國都唔得啦！
主客和：德國勝
心得：凡事要食腦，德國贏「蘭」佬
近5場往績：輸輸輸贏輸
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。