畢傑直到現時為止，仍然好掛住幾個月前去巴西採訪嘅日子，尤其近月見到馬會個網頁，經常出現「丹尼巴甲直擊」嘅報道。張相影到丹尼已經留咗長頭髮，記得我嗰時去到聖保羅，就係丹尼負責帶我入場睇波，仲介紹啲巴甲教練我識，諗番起真係相當難忘，一世都記得。係呀，丹尼嗰時短頭髮㗎！
估唔到畢傑自7歲開始支持巴西國家隊後，今年又有機會去過聖保羅同里約熱內盧，真係同巴西有緣！我眼中嘅巴甲雖然水準唔係咁高，但聖保羅喺國內真係超班㗎，平手要捧。
讓球：聖保羅（平）
心得：我同丹尼傾過密計
近5場往績：輸輸贏輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。