12/10/07.....
天陰
最新動態
股市牛氣已經唔只衝天咁簡單，幾時識停，已經冇乜分析員敢講，大陸人抬錢落嚟炒，連大證券行出報告推介一隻煤炭股都話仲有一倍升幅，嘩，火上加油；呢個每日成交千幾億嘅賭檔，波馬望塵莫及，窩輪更炒到癲，大家當心！
一直有個想法，香港地，冇錢嘅人博吓六合彩，再有錢啲賭波馬，跟住賭股市，然後炒樓；呢個想法近半年變得好快，好多人將一生積蓄推晒去炒股甚至買窩輪，賭波賭馬嘅風險雖大，但一千幾百已變得小兒科。冇乜人賭嘅日聯盃，最合我胃口，又中咗條飛腳串前鋒W嘅5、6倍過關。當大家一窩蜂賭唔太熟嘅國際賽，兼追捧英、法、葡及意嘅熱W時，我今個禮拜已差唔多贏夠數。
前幾天放假，同好友打邊爐，步行回家時秋風撲面，體內嘅熱氣瞬間冇晒。心靜則清，心清則靜，有幾多人能在這狂潮下做到？我也在學習中。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/