粵語長片不乏窮人到酒樓「呃飲呃食」的喜劇橋段，沒想到現在仍有人這樣做。網民「廸廸」日前便直擊有人假扮賓客混入婚宴中食霸王餐。「香港真係咩人都有，昨晚去飲結婚酒，隔籬枱有個人白撞入嚟食，食完魚翅被人發現，主人家鬧佢一餐趕佢走！」
新老爺出馬查問
據他形容「呃飯食」男子獨自赴宴，自行入席，不過同枱親友均不認識他，初時各人不以為意，直至新郎新娘敬酒時才露出馬腳。「佢坐到最入，貼住牆坐，到敬酒時，同枱親戚人人有講有笑，佢表現得思思縮縮，而且衣着寒酸，唔似去飲。」
親友起疑後向新人報料，最後由新老爺出馬查問來者何人。「新老爺問佢係邊個，佢咿咿哦哦，跟住話『行錯咗入嚟』，於是一班人挾住佢，喝罵一輪趕佢走！辦喜事當然唔會報警拉佢啦！」廸廸估計該男子正正捉摸到主人家辦喜事不會報警掃興，因此才大膽食「霸王餐」。
「嘩！咁都得，佢係咪真係好肚餓！」Net神過去曾聽聞結婚擺酒，會有人認親認戚混入賓客中「呃飲呃食」，但沒想到真有其事。網民「信天翁」說：「60、70年代就唔出奇，但𠵱家都有呢啲人就有點那個。」
不少網民把呃食現象歸咎於近年社會貧富懸殊惡化，網民「米米」表示，「我之前喺尖沙嘴柏麗大道，見有人喺垃圾桶搵嘢食，見到真係好心噏。」
http://www.beautyexchange.com.hk/revamp/forums/read.php?4 ,3286136