《2007亞洲小姐競選總決賽》昨日於大埔亞視總台舉行記者會，除了23位亞姐出席，大會同時宣佈王賢誌、谷德昭及陳啓泰擔任司儀。王賢誌離開無綫後，火速以合作形式為亞姐擔任司儀，他表示暫時未有與亞視簽長約，他笑說：「第一日返工嘅心情好似返學咁。」
願借私事搞氣氛
王賢誌又諷刺說：「我喺香港第一次做選美司儀，3、4年前喺海外做過，港姐都有做過，不過係喺山頂報道吓戶外嘢。做選美司儀係我嘅夢想，今次好期待、好開心，搵我幾適合。」
對於會否擔心不能重回無綫，王賢誌明寸陳志雲說：「個世界好奇怪，鍾意就整啲齋畀我食，下次唔知整乜畀我食。」王賢誌指亞姐總選當日會放開懷抱，就算拿私事來開玩笑也在所不計，最重要是搞好氣氛，擺明益亞視。
採訪、攝影：張俊銘