由劉德華投資的電影《兄弟》將於下周四上映，華仔日前與林家棟一起到商台接受訪問。兩人繼《無間道》後，在《兄》片再演警界手足，主持問華仔如何看待「兄弟」二字，他說：「現實生活中都當家棟係好兄弟，只要做兄弟就唔應該有計算，或者有人會覺得，人哋對你稱兄道弟，只係不停攞好處，最少會有啲甜言蜜語，咁邊個叫你鍾意聽呢？」
冇膽拍床上戲
華仔謂以前對兄弟是十分投入，投入到受傷後也不懂得抽身，不過今日他長大了，已學會了抽身不再回頭。對於有傳梁朝偉與四虎不和，華仔說：「我相信偉仔會明白事理，佢會知道呢一行是非係乜嘢一回事。」問到有沒有看偉仔的《色，戒》？他說：「有睇，但要我好似偉仔咁大膽拍床上戲就冇可能，偉仔真厲害。」
至於華仔12月的香港的演唱會，內部認購已爆滿，問到他會否再加場，他說：「考慮緊，我哋決定晒加幾多場先會講。」
撰文：李全