【新加坡直擊】周慧敏前晚專程到新加坡，出席名牌Tod's新店開幕，她自言非《大時代》中的慳妹，會捨得花錢買靚鞋，自言使錢十分有智慧。早前為動物醫院籌款而開演唱會的她，將身體力行，到非洲剛果探望兒童。
由施安娜美娜（SiennaMiller）任代言人的意大利品牌Tod's，位於新加坡名店購物中心TheParagon的全亞洲首間新概念店前日開幕，晚上舉行酒會慶祝。周慧敏專程飛到當地出席開幕儀式，她甫到場就好奇地巡舖，並與Tod's高層詳談設計。
「賺到錢冇時間用」
以慳見稱的周慧敏表示擁有超過100對鞋，也很愛買衫及手袋，她說：「我唔係《大時代》入面嘅慳妹，慳妹唔識對自己好，我係智慧型用錢嘅女仔，入行以來賺到錢冇時間用，我會享受買鞋、買嘢嘅樂趣。」
周慧敏又大談其公益事業，她說：「今年計劃一半做代言人工作，一半做公益事業。我會飛去非洲剛果扎伊爾一個星期做義工，探望小朋友同了解當地生活。」當地治安及衞生甚差，問她會否擔心，她說：「都有少少，因為除咗內戰，仲有好多不知名病毒，我打咗五次防疫針，會自備食品、水、口罩。其實都唔係太危險，我相信自己係得嘅，我哋雖然全女班，但𠵱家女仔已經好叻，我係一個幾勇嘅人，同埋我對公益事務有使命感。」她稱不會介意在當地一個星期不冲凉。
構思巡迴騷籌款
早前周慧敏舉行過籌款個唱，她指有朋友提議她舉行巡迴騷，一面籌款一面宣揚公益，她說：「我覺得係幾好嘅構思，不過需要再諗真啲。」
另一方面，周慧敏表示出埠時十分掛念家中的阿豹，所以必備其照片，她說：「有時有啲貓毛黐住件衫，我都唔會掃甩佢，因為感覺好似佢跟住我咁，仲好！」
採訪、攝影：JessicaNgan
新概念店增家居感
Tod's位於新加坡TheParagon內的新店，佔地180平方米，是品牌將全亞洲專門店改作新概念店的第一間。新店由品牌主席DellaVealle構思，以家的感覺為主，將以往用皮革包裹牆身、鋼材及鏡面的裝潢風格改變，轉用家居的雲石地板、厚地毯、梳化等作佈置，整體感覺更warm和精簡，香港的各間專門店也會陸續換上新裝。
獨一無二Unique001
為慶祝新店開幕，Tod's推出名為Unique001手袋系列，珍貴之處是只有七個款式，但每一款都只生產一個，每個都是uniquepiece。手袋全部用上exoticskin，如鱷魚皮、蟒蛇皮、蜥蜴皮等，配以搶眼sharpcolor及水晶綴邊，盡享獨一無二之名。
