特首曾蔭權發表施政報告時，強調政制發展不能損害管治的效率及水平，昨晚啓程前往歐美訪問、介紹香港民主發展的民主黨創黨主席李柱銘認為，香港最終可否實施2012年雙普選，關鍵在於北京是否信任曾蔭權，放手讓他按香港人意願，制訂雙普選時間表及路線圖。
李柱銘接受專訪時說，從曾蔭權昨日發表的施政報告，可以看出對方是有心搞好香港，但去到政改問題，他認為中央至今仍緊抓不放，「你估曾蔭權個報告會唔會真係佢意思？報告每個字都要問過北京，阿爺肯先可以寫落去。」故他認為，爭取2012年雙普選並非不可能，關鍵是中央是否信任曾蔭權，放手讓他搞政改，「若果中央放心畀佢搞，香港前途係無限嘅。」
盼國際關心港民主發展
他又估計，由於主流民意仍是支持2012年雙普選，北京不敢貿貿然提出一個「好肉酸」的政改方案，要香港人接受，然後不斷拖延，以時間迫香港人就範，「即係我要食魚，唔食牛肉，佢淨係迫你食牛肉，唔食就冇得食，到時自然都會食。」李柱銘表明，他對2012年雙普選立場，並非完全沒有討論空間，但有一個先決條件，「你個方案要畀人睇到，最終幾時有真正普選？唔係由頭到尾都唔係真正普選。」他坦言，若政府提出方案真的「太肉酸」，太不民主，就算獲民意支持，他一樣不會投支持票。
至於今次訪歐美，李柱銘說希望國際社會關心香港民主發展，「中國要面，佢唔想畀國際社會批評佢唔畀民主香港。」他估計北京想搞一個「國際社會接受嘅政改方案」，所以他希望透過今次外訪，令國際社會更了解港人爭取2012年雙普選立場。
本報記者