陳豪及廖碧兒昨日各自出動𢱑銀，被喻為TVB最賺錢女藝員的碧兒，透露想再買一間獨立屋給五隻狗仔，豬籠入水的她實行細屋搬大屋。緋聞男友陳豪卻剛剛相反，縱使政府昨宣佈寬減差餉，但他無意再置業。
緋聞男女陳豪與廖碧兒近日頻頻出席活動搵真銀，昨日她以跳舞女郎造型，於ifc出席護膚品牌NUXE活動，陳豪則現身九龍機鐵站圓方商場，為鞋履品牌ECCO行騷。
法拉僅同事
廖碧兒擺出性感舞姿，並即場大獻廚藝整蛋糕。問到被喻為TVB最賺錢藝員的她何時買大屋？碧兒笑說：「上年拍咗四套劇都未出街，啱啱《舞動全城》出完街，咪多了job。其實之前都買咗apartment，因為要養五隻狗仔，想多啲地方畀佢哋，想買間house，𠵱家已經有睇樓，因為個市升緊，越遲買越貴，希望盡快搵到。」
日前「新一代姣精」陳法拉透露與碧兒並不稔熟，她對此說：「初初同佢拍戲會未熟，之後拍落咪會friend啲，好似同馬仔（馬浚偉）拍咗兩套劇，都開始有默契，friend啲。不嬲同法拉都係同事，傾心事係要用時間慢慢培養。」
爭劇帝心跳
另一方面，陳豪昨日行騷表現生硬，對於政府剛宣佈寬減差餉，自言對他影響不大，他說：「之前拍《溏心》時好旺，要多謝米雪介紹我買樓，𠵱家薪俸稅（標準稅率）減1%，咪當派糖，回報市民，雖然𠵱家減咗差餉，都有睇吓樓，不過暫時都唔會買樓住。」至於成為台慶最佳男主角熱門，陳豪笑說：「自己初頭冇諗，𠵱家每近一日，個心就跳一下。」
採訪：MaggieLaw
攝影：EdwardChou
