成龍日前去咗新加坡，接受美國紐約電影學院頒發終身成就大獎，學院讚賞成龍由一個小孩武師，捱盡苦頭，成為國際巨星，努力成果為人所共識，成龍話電影係佢嘅終身事業，但係佢話自己年齡尚輕，估唔到咁後生就攞呢個獎喎！呢輪成龍頻頻出席韓星飯局，繼早排同楊受成、李準基食飯後，前晚成龍又出席同楊受成、李秉憲嘅飯局，唔知係咪想開拍韓片呢？