曼城嘅瑞典籍領隊艾歷臣其貌不揚，但同好多出名女人扯上關係，最近就傳佢搭上一個樣靚兼有錢嘅有夫之婦，但「色字頭上一把刀」，都係小心啲好。另外，有傳話艾歷臣想喺明年1月用100萬鎊（約1,578萬港元）買將近38歲嘅阿仙奴德國籍龍門列文，阿仙奴喺03年買列文時用咗150萬鎊，如果事成仲唔掩住半邊嘴笑咩！