李司棋（中）同林海峰（左）早排為商台錄製廣播劇《東京鐵塔──我的母親父親》，呢齣廣播劇改編自同名日本電影，佢哋分別聲演一對母子。林海峰話錄音期間都試過幾次感動到眼濕濕，不過司棋姐就話由於喺朝早錄音，加上又要趕拍劇，搞到好攰開唔到聲，惟有不斷食嘢提起精神，難怪佢對自己嘅表現好唔滿意，相反林海峰就大讚對方表現好好。