幾個月前，護士應急基金籌款希望英超球員高抬貴手，捐一日人工，點知最後車仔班貴價貨好似泰利一提籌錢就仙都唔仙，要球會代出，而米堡班「𡃁仔」更衰到要由隨時落馬嘅修夫基「啃」出嚟，丟架非常，全個活動最終核數後連20萬鎊（320萬港元）都唔夠。班友仔出去蒲就咁疏肝，一提到正經嘢就變晒樣，我求大俠真係眼火爆！