羅霖昨日以嘉賓身份佩戴了過千萬的珠寶出席活動，她透露鍾情粉紅鑽，故深受《色，戒》中粉紅巨鑽的愛情故事感動，不過她卻認為現實中，愛情與麵包都重要。
羅霖和榮雪梅昨日現身四季酒店，出席珠寶品牌adler的活動，羅霖更以客席嘉賓身份，佩戴了價值達1,000多萬的鑽石頸鏈到場，她更因早前看過《色，戒》而觸發她的珠寶論：「珠寶真係好靚好似藝術品，自己都係最鍾意粉紅鑽，所以睇完《色，戒》更加明白箇中意義，粉紅色卡地亞鑽戒代表係至愛，所以令湯唯咁感動。」
「床上戲好勁」
問到羅霖有否珍藏粉紅鑽，她笑言：「有細細粒，不過唔想增加老公壓力，自己比較蠢，鍾意愛情多過麵包，如果有機會教朋友啲女，我都會教佢哋愛情與麵包並重，因為兩個熱戀時冇問題，感情耐咗重歸現實，經濟唔好形成壓力，多爭執。」問到《色，戒》的床上場面，她表示：「床上戲好勁，加上係黃皮膚人演，不過唔會當色情片睇，當係藝術片睇，其實兩場床戲已經交代到愛恨交纏，三場太多。」
買股膽博膽
此外，一向積極投資股票、房地產屢有斬獲的榮雪梅表示：「覺得呢排個市好奇怪，一係升得好急，一時又跌，睇你夠唔夠膽博，自己就一早賺咗，唔可以太盡，我𠵱家會為其他人賺錢而開心。」問到她要賺幾多才能過世，她表示：「好多人幾十億都唔夠，我淨係想畀屋企人過得舒服啲，自己可以買靚衫、珠寶咪可以。」
採訪：DebbieLum
攝影：DickyChan
