無綫節目《味分高下》監製錢國偉前晚帶同6位味之天使出席李珊珊生日會，惟獨「梳打」賈曉晨（JJ）及「蘋果」何卓瑩缺席。
眾人玩了近兩小時後，曾參選港姐但未能入圍兼有發福小沢圓之稱的「啤梨」張韋怡，竟然喝至酩酊大醉，要由「什果賓治」陳苑蔚及一名保安抬上的士，可能因她太重，被抬期間衣衫扯起不慎走光。
監製黑面
兩女坐上的士後，什果賓治打橫伏在啤梨身旁遮掩，免其醉貓樣上鏡，但動作狼狽，錢國偉見狀即時黑面。
昨日啤梨在將軍澳電視廣播城錄影《味分高下》時說：「可能我開心得滯玩大咗，我𠵱家讀藝術學院要做一份功課，搵一個角色去演，我打算演一個女人醉酒街頭然後去尋死，所以我借今次機會試吓飲醉酒，亁吓亁吓飲咗3杯威士忌就醉咗，我都知失儀，今朝媽咪話番畀我知，我都喊，所以我奉勸其他女仔唔好飲咁多。」
採訪：楊潔雯、藍文浩
攝影：陳順禎
娛樂資料庫：錢國偉享艷福
無綫節目《味分高下》除捧紅鄧健泓外，還帶挈8位味之天使上位，當中「梳打」賈曉晨（JJ）憑美貌鶴立雞群，但有傳她因人氣急升遭其他7位味之天使杯葛。
前晚帶同眾天使夜蒲的節目監製錢國偉與眾女特別投緣，上月被拍得與她們夜蒲，更有指JJ經常黐着他。日前JJ擔任模特兒行騷，錢國偉也有撐場。至於前晚喝至大醉的「啤梨」張韋怡，今年曾面試港姐但未能入圍，又多次穿三點式為攝影發燒友擔任模特兒。
