歌神許冠傑唱出「為兩餐乜都肯制」，是打工仔生存的金科玉律，雖然近年市道好轉，但人工高、福利好的筍工依然難求，所以即使返工受氣，打工仔亦無可奈何，更何況發脾氣的是上司甚至老闆？近日時常受氣的網民howismyfuture問：「如果上司無理取鬧，你哋會出聲嗎？就算佢唔啱，都唔出聲？」
「唔好咁躁啦」
老闆出糧給你，作為打工仔，間中受氣在所難免，網民老紀便已練成一身好武功，她說：「我以前老闆佢明知唔係我錯，但都要搵人發洩，咪由佢囉！」不過，亦有人認為如無過錯，不應啞忍。「我實出聲！我嚟打工唔係嚟畀你屈㗎！」
網民「等運到」便曾試過出聲反擊，可惜結果壯烈犧牲。「我有出聲，所以咪俾佢炒咗囉！」網民ms_L教路打工仔應該以柔制剛：「如果老細太無理取鬧，我會同佢講『唔好咁躁啦』或者講吓笑話逗佢笑。」網民陸雲翔亦正在苦練忍功力求達至最高境界：「我已經可以做到打不還手，罵不還口，但仍未夠，我要做到俾人鬧都要笑！」
http://www14.discuss.com.hk/viewthread.php?tid=5470172&extra=page%3D1&page=1