小網平日懶執屋，經常被家人囉唆要勤做家務，看過「singpksm」在UwantsForum的留言後，決定要多些收拾，因為隨時有意外收穫，發現「家傳之寶」也不出奇。
執屋執到老竇珍藏
singpksm稱日前在父親房間找到一本記事簿，內容竟然是父親收藏的色情影帶、光碟目錄，「有幾本簿咁多，分門別類，有埋封面。」他說按圖索驥找出父親的珍藏，不過希望越大失望越大，「我拎晒出嚟睇，不過好多都唔正，有啲仲舊到不得了，我諗套鹹片仲早過我出世，啲格仔厚到出奇。」
觀眾要求高了，「四仔」也隨時代轉變，「我自己都有睇開四仔，都有幾百GB珍藏，不過我啲鹹碟新啲正啲。想問吓大家，有冇試過發現老竇啲鹹碟？大家會點處理？」
有正直網友認為收藏四仔有傷風化，建議singpksm告訴母親，由她發落；「hlyung」卻認為這是兩父子增進感情好機會，叫singpksm把自己的珍藏燒錄成DVD與父親分享，更提醒他要做孝順仔，「記住要『步兵』（即係無碼）先好喎。」