貴為全球汽車產量一哥的豐田，每年都吸引唔少人到佢位於愛知縣豐田市的豐田會館參觀遊覽，而為了令參觀者感受到豐田的科技成就，廠方特別開發了一款專用來服務參觀者的導遊機械人Robina，呢位Robina小姐已正式在展館上班，Robina小姐身高120cm，體重60kg，三圍就唔方便透露（讀者自己睇相吧）。佢唔單止能夠手舞足蹈地向參觀者介紹館內展品，亦可以和參觀者作簡單對話，行路時更加聰明到識得自動避開其他人或障礙物，而且豐田一早知道Robina小姐會好受歡迎，所以仲特登為佢裝上一對好靈巧的手，等佢可以幫參觀者簽名留念。
其實豐田本身亦好有興趣開發機械人，除了Robina小姐之外，豐田今後亦打算開發其他如家務、醫療等領域的機械人，看來豐田亦有打算在機械人領域上同本田爭一日之長短。
文：周達之