今日26歲生日的熊黛林早前成功考獲車牌，她前晚透露打算買近30萬的座駕，但她謂自己有能力買，故堅決不用愛車如命的緋聞男友郭富城送車。
熊黛林、琦琦、陳敏之及曹敏莉等前晚到尖沙嘴出席鞋店活動，現場有韓國組合BBoy成員大跳hiphop舞，活動主持要求陳敏之、曹敏莉及馬浚偉模仿他們的舞步，馬浚偉見狀直言：「當我儍㗎？」主持只好請BBoy再跳一些簡單舞步，馬浚偉等人才試學跳。
身材本已高䠷的熊黛林穿着約4吋高跟鞋到場，看來更加高人一等，問到朋友有否投訴她穿高跟鞋過高？熊黛林說：「冇，我屋企有十幾對呀。」有報道指熊黛林人紅囂張，與前經理人公司不和，自放一個月假及不接工作，她否認說：「我係放一個月假返鄉下同考車牌，我同公司係好順利咁結束，因為好錫我嘅經理人離開，我跟住佢，邊個唔想賺多啲錢，點會有工作唔做呢？」
配不起「QUEEN」
熊黛林表示打算買車，但不敢問緋聞男友郭富城的意見。有說可叫城城將自己的愛車送給她，熊黛林謂：「佢揸咁快嘅車，我新手點揸？佢揸手動波（棍波），我揸自動波，唔一樣。」她又謂不需城城送車，她有能力買，會買預算近30萬的車。
記者指城城也有很多靚車牌，其中一個是「KING」，問熊黛林會否以「QUEEN」相配，她笑說：「好老套，佢係天王，自己又唔係王菲，又唔係天后，我擔當唔起，寧願用番自己嘅英文名Lynn好過。」那麼用「AARON」車牌又如何？熊黛林說：「揸出去人哋以為係佢，佢啲fans跟住我點算？
「拍拖唔係為結婚」
此外，熊黛林昨日現身中環為Episode行騷，問她早前城城接受訪問時透露沒有夫妻宮，會否傷心，她表示：「佢之嘛，又唔係我，佢還佢，問我做咩？如果為結婚先拍拖會唔開心，拍拖係想多一個人錫，你哋唔好對號入座，女仔如果拍拖以結婚為目的，咁又唔啱，對方會好大壓力。」
陳敏之表示自從參加《舞動奇跡》競賽節目後，有不少跳舞有關的工作找上門。早前有指任達華身家達一億，其妻琦琦前晚說：「我唔知㗎，平時啲數都係老公管。」
採訪：胡比
攝影：林德雄
