會考成績科科A，前途卻不一定平坦，網民「2MQ」五年前會考考獲25分，惟因英文科不及格，結果未有升讀預科，還意志消沉成為隱蔽青年。「終日在家無所事事，難以面對老邁雙親，有無人可以教吓我條路點行好。」
據2MQ自述，他是中文中學理科生，數學成績優異，會考有四科A級，然而最關鍵的英文科卻失手「肥佬」，只得U級，成為升學致命傷。
想搵份幾千蚊嘅文員
「天生語言白癡，無自信，又唔捱得，做唔到體力勞動嘅工。」他升學不成又未有工作，淪為雙失青年，幸好家境不俗，雖然幾年足不出戶也不愁衣食，但卻成為隱蔽青年。
現在他痛定思痛決定破關而出，「我想有份文員工與外界接觸吓，體驗吓群體生活，只係想搵份4,000至7,000蚊月薪嘅文員做，但好多心儀嘅工都要有良好英文。」
網民鼓勵勿自暴自棄
不少網民同情2MQ遭遇，鼓勵他不要自暴自棄，網民「tango」說：「話晒都25分，都係讀得書之人，點解唔考返英文科呢？唔好咁冇大志啦！」
網民cookycoin79說：「𠵱家幾乎所有工作都要識基本英文同普通話，不如去買本書讀或者去進修啦！英文唔掂真係好難搵文員做㗎。」Net神也支持2MQ繼續進修，希望他盡快搵到份好工，不要令父母太擔心。
http://www14.discuss.com.hk/viewthread.php?tid=5472425