08/10/2007.....
天晴
最新動態
睇到副刊有名家寫香港人中「股毒」，拍案叫絕，自己10年前試過「一朝被蛇咬」，所以𠵱家玩得謹慎，何況同好多中產一樣仲孭住幢樓債；所以就算一覺醒來跌2,000點，學有個同事話齋，仲正啦，執到平貨長線投資！
有時唔怪得晒香港人沉迷賭海，計發圍機會，97年同𠵱家差得遠，好多人有感工作冇前途，甚至朝不保夕，想貪多一點保障自己；不過機會係要自己把握同等時機成熟，份工睇得咁短線，同賭波玩走地冇乜分別。好彩我喺份工搵到滿足感，日日寫吓blog不知幾爽。
香港人除咗中「股毒」外，有啲玩走地波都好離譜，又濫又亂，曼聯到下半場先炒韋根，你就懶醒話自己段段買，贏多人哋幾注；我好印象深刻係暑期美洲國家盃決賽，有「公仔箱」主持極睇好阿根廷，輸完一球叫人再追，再輸再追，結果巴西大勝3球；成場波你跟足輸夠5、6注，一早起身輸錢，你話仲有冇心機「做好呢份工」。
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！